अन्तराष्ट्रिय सञ्चारमाध्याम/
विस्थापित प्यालेस्टाइनी रहेका शिविरमा इजरायली सेनाले गरेको हवाई आक्रमणबाट १५ जनाको मृत्यु भएको छ भने ३० जना घाइते भएको अन्तराष्ट्रिय सञ्चारमाध्यामले जनाएको छ ।
गाजा, रफाह, वेस्ट बैंकलगायतका क्षेत्रमा इजरायलले निरन्तर आक्रमण गरिरहेको अन्तर्राष्ट्रिय समाचार संस्था अलजजिराले जनाएको छ । प्यालेस्टाइनमा राहत वितरणमा अवरोध समेत पुगेको बताइएको छ । इजरायलमा आक्रमण नरोकिएपछि अन्तर्राष्ट्रिय क्षेत्रबाट चौतर्फी आक्रोश र आलोचना व्यक्त भएको छ । प्यालेस्टाइनमा राहत वितरणमा अवरोध भएको विषयमा संयुक्त राष्ट्र संघको महासभामा अन्तर्राष्ट्रिय अदालतमा धारणा बुझ्ने पक्षमा मतदान हुने खबरमा उल्लेख छ । इजरायलले यो आक्रमण जारी राखेकै समयमा इजरायलमाथि प्रतिबन्ध लगाउन स्पेनमा समेत दबाब परेको छ । त्यहाँका चार प्रमुख दलले सरकारलाई इजरायलमाथिको प्रतिबन्धका लागि पहल गर्न दबाव दिएका हुन् ।।
