इजरायलले लेबनानको विभिन्न क्षेत्रमा गरेको हवाई आक्रमणबाट २८ जनाको मृत्यु भएको छ भने कैयेन घाईते भएको अन्तराष्ट्रिय सञ्चारमाध्यामले जनाएको छ ।
लेबनानको राजधानी बेरुतमा गरिएको आक्रमणमा एकै घरका पाँच जनाको मृत्यु भएको समेत जनाएको छ । यसैगरी लेबनानको देइर एल–बालाह शहरको भीडभाड माझ गरिएको हमलामा ६ जना मारिएको बताइएको छ । इजरायली सेनाले विगत २४ घण्टामा देशको दक्षिणी क्षेत्र र वरपरका ४० वटा गाउँहरू जबरजस्ती खाली गर्ने उर्दी जारी गरेको छ । आक्रमणका कारण लेबनानका विभिन्न शहरका भौतिक संरचना खण्डहरुमा परिणत भएका छन् । इजरायलले सैन्य बल प्रयोग गरी नागरिक पूर्वाधारमा सबैभन्दा बढी क्षति पु¥याउन थालेको छ भने इजरायलले पछिल्लो समय हवाई आक्रमणलाई तीव्र बनाउँदा सर्वसाधारणको बिचल्ली भएको छ ।।
