इजरायल सेनाले पूर्वी लेबनानको बेक्का भ्याली र बालबेक शहरमा गरेको हवाई आक्रमणबाट ४० जनाको मृत्यु भएको छ भने ५३ जना घाइते भएको बीबीसीले जनाएको छ ।
सो हवाई आक्रमणबाट बालबेक शहरको एउटा आवासीय भवन ध्वस्त भएको छ । इजरायलले बुधबार दक्षिणी बेइरुतमा हिजबुल्लाहका कमान्ड सेन्टर, हतियार भण्डारण र अन्य पूर्वाधारलाई लक्षित गरी आक्रमण गरेको बताइएको छ । यसैबीच हिजबुल्लाहका लडाकुहरूले लेबनानबाट इजरायलतर्फ हानेको रकेटबाट एक इजरायली नागरिकको ज्यान गएको खबरमा उल्लेख छ ।।
