गाजा पट्टीमा इजरायली हवाई हमलामा परि २६ प्यालेस्टाइनीको मृत्यु भएको छ भने दर्जनौं घाइते भएको अन्तराष्ट्रिय सञ्चारमाध्यमले जनाएको छ । गाजामा जारी इजरायली आक्रमणबाट प्यालेस्टिनीको मृत्यु हुनेको संख्या ४३ हजार १६३ पुगेको समेत जनाएको छ ।दक्षिणी गाजान शहर खान युनिसमा इजरायली युद्धक विमानहरूले शेख नासेर छिमेकको एउटा घरमा आक्रमण गरेसंगै भएको हवाई आक्रमणमा परि उनीहरुको मृत्यु भएको बताइएको छ । गाजाको उत्तरमा प्यालेस्टिनी प्यारामेडिकहरूले गाजा शहरको शेख रदवान बजार नजिकै भएको हवाई आक्रमणमा ६ जनाको मृत्यु भएको थियो । २० जना घाइते भएको बताइएको छ ।
