काठमाडौं। कुख्यात अपराधी चार्ल्स शोभराजको मुटुको अप्रेशन गरिएको छ। विश्वभर लेडीकिलरका रुपमा चिनिने शोभराजको आज दिउँसो मुटुको शल्यक्रिया गरिएको हो।
उनको उपचारमा संलग्न डा. रामेश कोइरालाले ट्वीटमार्फत यसको जानकारी दिएका हुन्। रामेशले ट्वीट गर्दै लेखेका छन्, शोभराजको पनि मुटु रहेछ। मैले उसका मुटुका भल्भहरु मिलाईदिएको छु। कोइरालाले उनको अवस्थाको सामान्य रहेको र चाँडै निको हुने समेत जनाएका छन्।
सेन्ट्रल जेलमा बर्षौं देखि जेलजीवन बिताईरहेका शोभराज विरुद्ध विश्वका विभिन्न देशमा हत्यासम्बन्धी मुद्धाहरु छन्। दर्जनौं महिलाको निर्मतापूर्वक हत्या गरेको आरोप लागेका शोभराजलाई मुटु नभएको व्यक्तिका रुपमा लिईने गरिन्छ।
