सोलुखुम्बु/
हिमाली जिल्ला सोलुखुम्बुमा भाइरल सङ्क्रमणको प्रकोप उच्च भएको स्वास्थ्य केन्द्र फाप्लु अस्पतालले जनाएको छ ।
पछिल्ला केही सातायता जिल्लाका विभिन्न स्थानमा भाइरल ज्वरो, रूघाखोकी, दम, निमोनिया, झाडापखाला, टाउको दुख्ने तथा श्वासप्रश्वास सम्बन्धी समस्याबाट ग्रसित बिरामीको सख्यामा अत्यधिक बढेको समेत सो अस्पातालले जनाएको छ । विरामीको सख्यामा बृद्धि भएसंगै जिल्लाको प्रमुख स्वास्थ्य केन्द्र फाप्लु अस्पतालको सेवा प्रवाहमा समेत कठिनाइ सृजना भएको जनाइएको छ । पन्ध्र शैया क्षमताको यस अस्पतालमा अहिले ५० जनाभन्दा बढी बिरामी भर्ना गरेर उपचार गराइरहेको अस्पतालका निमित्त प्रमुख सानी शेर्पाले बताउनुभएको छ ।।
