नेपालमा पहिलोपटक कोरोना संक्रमितबाट एक सरकारी चिकित्सक सहित थप ११ जनाको मृत्यु भएको स्वास्थ्य तथा जनसंख्या मन्त्रालयले जनाएकोछ ।
भदौ ३० गते स्वाब दिएका ५८ वर्षीय डा. हरि सापकोटालाई भदौ ३१ गतेदेखि कर्णाली प्रदेश कोभिड अस्पताल भर्ना गरिएको थियो । थप उपचारका लागि यही असोज २ मा भेरी अस्पताल बाँकेमा रिफर गरिएको थियो । उनलाई १० दिनदेखि भन्टिलेटरमा राखिएको थियो |
सामाजिक विकास मन्त्रालयअन्तर्गत स्वास्थ्य सेवा निर्देशनालय सुर्खेतका निर्देशक डा. रविन खड्काले सामाजिक सञ्जाल फेसबुकमा कोरोनाको संक्रमणबाट अभिभावक गुमाएको लेखेका छन् । नेपाल अर्थोपेडिक एसोसिएसनले विज्ञप्ति निकाले यसको पुष्टि गरेको छ ।
डा. सापकोटा कर्णाली प्रदेशिक अस्पतालका अर्थोपेडिक सर्जन ११औँ तहका सरकारी डाक्टर थिए ।
त्यस्तै मृत्यु हुने महिलामा भक्तपुरकी ६१ वर्षीया र ५१ वर्षीया, काठमाडौँकी ६७ वर्षीया र सुर्खेतकी ७५ वर्षीया रहेका छन् भने पुरुषमा मोरङका २७ वर्षीय, ललितपुरका ३२ वर्षीय र ७० वर्षीय, मकवानपुरका ७८ वर्षीय, रुपन्देहीका ६० वर्षीय, बाँकेका ५२ वर्षीय र ५९ वर्षीय रहेका छन् ।पछिल्लो २४ घण्टामा मृतकको संख्या ५ सय २१ पुगेको छ |
