चर्चित भारतीय अभिनेता शशी कपूर रहेनन्

भारतका चर्चित अभिनेता शशी कपूरको निधन भएको छ। उनको मुम्बईस्थित कोकिलाबेन धिरुभाइ अम्बानी अस्पतालमा सोमबार साँझ निधन भएको हो।   उनी ७९ वर्षका थिए। अस्पतालका कार्यकारी निर्देशक डा. राम नारायणलाई उद्धृत गर्दै भारतीय पत्रिका हिन्दुको अनलाइन संस्करणले साँझ ५ बजेर २० मिनेटमा उनको निधन भएको उल्लेख गरेका छ। उनी अभिनेतामात्र थिएनन्, चलचित्र निर्माण र निर्देशनमा पनि उनी सिद्धहस्त थिए। कलकत्तामा जन्मिएका कपूरका सन् १९४८ मा 'आग' फिल्मबाट चलचित्र क्षेत्रमा प्रवेश गरेका थिए। 'आग' मा उनी वाल कलाकार थिए। उनका कयौँ चलचित्रले भारतमा प्रसिद्ध पुरस्कारहरू पाएका छन्।