अमेरिकाको सबैभन्दा बढी जनसंख्या भएको काउन्टी लस एन्जलस काउन्टीमा फैलिएको डढेलोबाट २४ जनाको मृत्यु भएको अन्तराष्ट्रिय सञ्चारमाध्यामले जनाएको छ । अल्टाडेना र पासाडेना नजिकै १४ हजार ११७ एकड जमिन जलि सकेको बताइएको छ । सो आगलागीबाट ७ हजार ८१ संरचनाहरू आगोबाट क्षतिग्रस्त भएको जनाइएको छ । क्यालिफोर्नियाका मौसमविद्हरूले यो क्षेत्रमा थप तीव्र हावा चल्ने भएकाले आगलागी अझै फैलन सक्ने चेतावनी दिएका छन् । अझै धेरै ठाउँमा लागेको आगो नियन्त्रण हुन सकेको छैन ।
दमकल, हेलिकप्टरमार्फत आगो निभाउने प्रयास भइरहेको खबरमा उल्लेख छ ।।लस एन्जलस मेडिकल एक्जामिनर काउन्टीले प्रकाशित गरेको मृत्युको सूचीअनुसार आज विहानसम्म डढेलोबाट मृत्यु हुनेको संख्या २४ पुगेको पुष्टी गरिएको छ । मृतकमध्ये एघार जना इटन फायरसँग सम्बन्धित थिए भने पाँच जना प्यालिसेड्स फायर क्षेत्रमा फेला परेको जनाइएको छ ।
