प्रेमिला गौचन /
अमेरिका ।
अन्तर्राष्ट्रिय नेपाली साहित्य समाजको निवर्तमान वरिष्ठ उपाध्यक्ष सर्वज्ञ वाग्ले २०२४~२०२६ का लागि भारी मतान्तरले विजयी हुनु भएको छ । वाग्लेले ८ सय ५९ मत प्राप्त गर्नु भएको थियो भने उहाँका प्रतिद्वन्दी निवर्तमान महासचिव बिमला निरौलालै ५ सय ९५ मत प्राप्त गर्नु भएको थियो ।
वाग्लेले प्रतिश्प्रधि निरौलालाई २ सय ६४ मतले पराजित गर्नु भएको हो ।
अनेसासमा यद्यपि कूल मत १ हजार ४ सय ७३ मत खसेकोमा बदर १९ मत थियो ।
त्यस्तै, वरिष्ठ उपाध्यक्षमा साहित्यकार लाल गोपाल सुवेदीले पनि सबैभन्दा बढी ४ सय ६६ मतले विजयी
भएका छन। सूबेदीले ९५४ मत प्राप्त गरेका छन् भने उनका प्रतिद्वन्द्वी निवर्तमान उपाध्यक्ष राजेन्द्र कुमार श्रेष्ठले ४ सय ८८ मत प्राप्त गरेका थिए ।
लाल गोपाल सुबेदी (वरिष्ठ उपाध्यक्ष )
निवर्तमान केन्द्रिय सदस्य सरिता अर्यालले एशिया उपाध्यक्षमा ७४९ मत ल्याएर आफ्ना चुनावी प्रतिस्पर्धी दिनेशराज ज्ञावालीलाई पछाड़ी पारी विजयी भएकी छिन । पराजित ज्ञावालीले ६७५ मत प्राप्त गरेका थिए ।
निर्वाचनमा बिश्वभरका अनेसास सदस्य र आजीवन सदस्यहरुले अनलाईन प्रणालीद्वारा भोटिंग गरिएको हो ।
निर्वाचन जुलाई ६ र ७ तारिख मिति तय गरिएको भएता पनि सिस्टममा केही बाधा तथा शंकास्पद मत खसेको आशंकाले सो मत रद्द गरी फेरी ९ तारिखसम्मका लागि भोटिंग खुल्ला गरिएको थियो । तथापी भोटिंग सिस्टममा केही प्राविधिक समस्या भएको कारण देखाउदै मत दिन असमर्थ भएको गुनासाहरु पनि आएका थिए । निवर्तमान अध्यक्ष गोवर्धन पूजाले नयाँ विजयी व्यक्तित्वहरुलाई बधाई तथा शुभकामना दिनु भएको छ । त्यस्तै अशुन्तुष्ट पक्षहरुले पनि बधाई तथा शुभकामना दिएका छन।
त्यसैगरी, अमेरिका क्षेत्रबाट उपाध्यक्षका लागि सुदिप भद्र खनालले ८१८ मत ल्याएर चुनाव जितेका छन् । उनका प्रतिद्वन्द्वी महेश्वर पन्तले ६२२ मत ल्याएका थिए ।
महासचिवको प्रतिस्पर्धामा राजु सिटौलाले ८५५ मतले विजयी भए भने कृष्णकुमार गिरीले ५८४ मत ल्याए ।
निर्विरोध निर्वाचित पदाधिकारीमध्ये युरोपबाट उपाध्यक्षमा डिल्लीराम अम्माई, अफ्रिकाबाट गणेश खड्का र ओसियानाबाट हरिप्रसाद अधिकारि रहेका छन् । सचिवमा रबिन शर्मा र कोषाध्यक्षमा तारा अधिकारी पनि निर्विरोध निर्वाचित भएका छन्।
अनेसासको केन्द्रिय समितिमा साहित्यकार सुमन बर्षा घिमिरे, पुष्पा खनाल, दीप कार्की, रत्न लोक्सम सुब्बा र तारा उप्रेती पाँच सदस्यहरु निर्विरोध निर्वाचित भएका छन् । थप दुई सदस्यहरू कार्यसमितिले मनोनित चयन गर्ने वैधानिक व्यवस्था रहेको छ।
निर्वाचन समितिका आयुक्तहरु पत्रकार गुणराज लुइटेल, डा. कविता घिमिरे र डा. चुडामणि खनाल रहेका थिए ।
