काठमाडौं ।
भूगोल साहित्य समाजले राष्ट्रिय वाणिज्य बैंक केन्द्रीय कार्यालय दरबारमार्ग, काठमाडौमा आयोजना गरेको कार्यक्रममा दुई साहित्यकारका दुई नविनतम कृतिको
लोकार्पण भएको छ । साहित्यकार हिरण्यकुमारी पाठकको कथासङ्ग्रह "विसंगत स्वरहरू" र साहित्यकार सुशीला देउजाको बालनियात्रा कृति "सम्पदाको दर्शन" लोकार्पण गरिएको हो ।
दुबै कृतिको लोकार्पण प्रमुख अतिथि साहित्यकार, गायक एवं संगीतकार गणेश रसिकसहित मन्चासिन विशेष अतिथिहरूबाट एक साथ लोकार्पण गरिएको थियो ।
भूगोल साहित्य समाजका अध्यक्ष विनोद नेपालको सभापतित्वमा आयोजित सो कार्यक्रममा प्रमुख अतिथि रसिक, साहित्यिक पत्रकार रोचक घिमिरे, साहित्यिक पत्रकार संघका अध्यक्ष राधेश्याम लेकालीले आआफ्नो शुभकामना मन्तव्य राख्नु भएको थियो । लोकार्पित कथासंग्रह 'विसंगत स्वरहरू' माथि नेपाल बालसाहित्य समाजका अध्यक्ष समालोचक प्रमोद प्रधान र सखी प्रतिष्ठानकी अध्यक्ष मन्जिला अनिलले समीक्षात्मक मन्तव्य राख्नु भएको थियो ।
निबन्धकार सुशीला देउजाको बालनियात्रा कृति "सम्पदाको दर्शन"माथि निबन्धकार भीष्म उप्रेतीले बोल्नु भएको थियो । हिरण्यकुमारी पाठक र सुशीला देउजाले लेखकीय मन्तव्य राख्नु भएको थियो । कल्पतरु पत्रिकाका आजीवन सदस्यहरूलाई प्रमुख अतिथिले प्रमाणपत्र प्रदान गरेको सो कार्यक्रममा शैलेन्द्रकुमार शाहले संचालन गर्नु भएको थियो ।
साहित्यकारहरु वीणा हाङ्खिम (दार्जिलिङ), दिनेश विक्रम थापा, माया ठकुरी, भागीरथी श्रेष्ठ, गुन्जनकी अध्यक्ष जलेश्वरी श्रेष्ठ, वरिष्ठ गीतकार उन्नती बोहरा "शीला", प्रा.डा. गोविन्दमान सिंह कार्की, सिर्जना शर्मा, युवराज मैनाली, नारायण तिवारी,तुलसीहरी कोइराला, प्रद्युम्न जोशी, ताराकान्त पाण्डेय, नम्रता शर्मा, जयदेव भट्टराई, मुरारि सिग्देल, निर्मलरमण पराजुली,श्रीबाबु कार्की, कमला रिसाल, जय राई, श्याम प्रधान, तारा सुवेदीलगायतको विशेष उपस्थिति रहेको थियो ।
