हेटौंडा ।
पत्रकारितामार्फत साहित्यिक क्षेत्रमा पु¥याएको योगदनको कदर गर्दै राजधानी दैनिकका मकवानपुर संवाददाता ध्रुव अधिकारीलाई सम्मान गरिएको छ ।
आँचलको वार्षिकोत्सव कार्यक्रममा प्रमुख अतिथि कथाकार माया ठकुरीले सम्मानपत्र प्रदान गरेर सम्मानित गरेकी हुन् । उनलाई नगद ५ हजार प्रदान गरिएको थियो ।
यसैगरी, आँचल साहित्य कला पुञ्ज मकवानपुरले स्थापना गरेकोे बालकुमारी–जगन्ननाथ भेटवाल स्मृति सम्मान–२०७४ बाट साहित्यकार प्रतिमा पाठक सम्मानित भएकी छन् । पाठकलाई दोसल्ला ओढाएर प्रमुख अतिथि ठकुरीले सम्मानपत्रले सम्मानित गरेकी हुन् । सम्मानसहित नगद १० हजार १ रुपैयाँ नगद प्रदान गरिएको थियो ।
उक्त पुरस्कार समाजसेवी हरिवंश भेटवालले मातापिताको स्मृतिमा सम्मान स्थापना गरेका हुन् । उनले आँचलमार्फत मातापिताको नाममा १ लाख २१ हजार १ सय २१ रुपैयाँको अक्षयकोष स्थापना गरेका छन् ।
जसको ब्याजले प्रदेश ३ मा रहेर साहित्यिक क्षेत्रमा क्रियाशील एक जना महिलालाई प्रत्येक वर्ष सम्मानित गरिने आँचलकी सचिव अनिता न्यौपानेले जानकारी दिइन् । यसैगरी, आँचलकी अध्यक्ष अप्सरा तिम्सिनाको सभाध्यक्षतामा भएको कार्यक्रममा साहित्यकार आरसी रिजाल, रुकु कार्की, निमेष निखिललगायतले मन्तव्य व्यक्त गरेका थिए ।
