काठमाडौँ/
नागरिक उन्मुक्ति पार्टीले संघीय सरकारलाई लिएको समर्थन फिर्ता लिएको छ ।
नागरिक उन्मुक्ति पार्टीको संसदीय दलको बैठकले प्रधानमन्त्री केपी शर्मा ओली नेतृत्व सरकारलाई दिएको समर्थन फिर्ता लिई सरकारबाट बाहिरिने निर्णय गरेको जनाएको छ । एमाले अध्यक्ष ओली नेतृत्वको सरकारमा संस्कृति पर्यटन तथा नागरिक उड्डयन राज्यमन्त्रीमा नाउपाका अरुण चौधरी रहनु भएको छ । संरक्षक रेशम चौधरी र अध्यक्ष रन्जिता श्रेष्ठको निर्देशन लगत्तै प्रधानमन्त्री समक्ष मन्त्री चौधरीले राजीनामा दिनुभएको छ । समर्थन फिर्ताको निर्णय आज संसद् सचिवालयका दर्ता गराइएको समेत संसदीय दलका नेता गङ्गा चौधरीले बताउनु भएको छ ।।
