काठमाडौंमा आगामी शनिवारदेखि प्रथम दक्षिण एशियाली स्ट्रिट डिफेन्स प्रतियोगिता हुने भएको छ ।
नेपाल जितकुण्डो मार्सल आट्र्स संघको आयोजनामा पहिलोपल्ट नेपालमा दक्षिण एशियाली स्ट्रिट डिफेन्स प्रतियोगिता हुन लागेको हो । दुईदिने प्रतियोगिताका खेलहरू लैनचौरस्थित राष्ट्रिय टेबलटेनिस प्रशिक्षण केन्द्रमा सो प्रतियोगीता हुने पत्रकार सम्मेलन गरि जानकारी गराइएको छ । दक्षिण एशियामा पहिलोपल्ट सो प्रतियोगीता हुन लागेको समेत बताइएको छ । यस प्रतियोगितामा आयोजक नेपालसहित भारत, बंगलादेश र श्रीलंका गरी कुल ७० खेलाडीले प्रतिष्पर्धा गर्ने संघका अध्यक्ष रामबहादुर ठकुरीले बताउनु भएको छ । ब्रुस ली खेल र शिद्धान्तबाट शुरु भएको यस खेललाई नेपालमा विकास गर्न अन्तर्राष्ट्रिय प्रतियोगिता आवश्यक रहेकाले दक्षिण एशियाली च्याम्पियनसिप गरिएको उहाँले बताउनु भएको छ । हरेक तौलसमूहमा नगद पुरस्कार राखिएको आयोजक संघका महासचिव एवं प्रमुख प्रशिक्षक शिवबहादुर थापाले जानकारी दिनुभएको छ । स्वर्ण विजेतालाई ४१ हजार र अन्य पदक विजेतालाई पुरस्कारको व्यवस्था गरिएको उनको भनाई रहेको छ । कुल पुरस्कार राशि तीन लाख ५० हजार रुपैयाँ रहेको बताइएको छ ।।
