काठमाडौं/
बिगतका सवै सहमति सम्बोधन हुने गरि विद्यालय शिक्षा ऐन जारी गर्नु पर्ने माग राख्दै शिक्षकहरुले काठमाडौंमा प्रदर्शन गरेका छन् ।
विद्यालय शिक्षा ऐन जारी गर्न दवाव दिन भन्दै नेपाल शिक्षक महासंघको नेतृत्वमा काठमाडौंमा हिजो प्रदर्शन गरिएको हो । काठमाडौंको बानेश्वरबाट माइतिघरसम्म गरिएको सो प्रदर्शनमा देशभरका शिक्षकहरु सहभागी भएको महासंघले जनाएको छ । प्रदर्शनमा सहभागीहरुले यसअघि भएका सहमति कार्यान्वयन गर, विद्यालय शिक्षा ऐन जारी गर लगाएतका नारा लगाउदै सरकारलाई दवाव स्वरुप सो प्रर्दशन गरेको महासंघले जनाएको छ । विगतका सबै सहमति सम्बोधन हुने विद्यालय शिक्षा ऐन जारी गर्नको लागि राज्यलाई दवाव दिनका लागि प्रदर्शन गरिएको शिक्षकहरुको भनाई रहेको छ ।
महासंघले प्रदर्शनका लागि उपत्यका बाहिर रहेका शिक्षकहरूलाई काठमाडौं बोलाएर सो प्रर्दशन गरेको थियो । आज राष्ट्रिय समितिको बैठक बस्ने र थप आन्दोलनका कार्यक्रम सार्वजनिक गर्ने समेत महासंघले जनाएको छ । यसअघि विद्यालय शिक्षा सम्बन्धी विधेयकमा असन्तुष्टि जनाउदै विद्यालय नै बन्द गरेर आन्दोलनमा उत्रिए पछि शिक्षकहरुसंग सरकारले सहमति गरेको थियो । तर, सरकारले सहमति कार्यान्वयन नगरेको भन्दै शिक्षकहरु पुनः आन्दोलित भएका हुन् ।।
