काठमाडौं । बरिष्ठ पर्यटन व्यवसायी तथा र्याडिसन् होटलका मालिक बीके श्रेष्ठको मंगलबार बिहान निधन भएको छ । होटल व्यवसायी संघ (हान) का पुर्व अध्यक्ष समेत रहेका श्रेष्ठको मंगलबार बिहान निधन भएको हानका महासचिव बिनायक शाहले जानकारी दिए ।
उनले भने ‘लामो समयदेखि क्यान्सरका कारण उहाँको स्वास्थ्य बिग्रँदै गएको थियो, उहाँको मंगलबार बिहान निधन भएको परिवारले जानकारी दिएको छ ।’
श्रेष्ठ होटल व्यवसाय क्षेत्रमा झण्डै ४० वर्षदेखि संलग्न थिए । नेपालको पर्यटन व्यवसायीमा अग्रणी ब्यक्तिका रुपमा चिनिने श्रेष्ठ सन् २०१४ देखि २०१६ सम्म हानका अध्यक्ष थिए ।
हिमालयन ट्राभलबाट पर्यटन क्षेत्रको व्वसायमा छिरेका श्रेष्ठले र्याडिसनलाई सफल रुपमा सञ्चालन गरिरहेका थिए । शाहकाअनुसार उनको दिउँसो अन्त्येष्टिको तयारी हुँदैछ ।
