काठमाडौं । एभरेष्ट हस्पिटालिटी तथा होटल प्रा.लि.ले मरियट काठमाडौं नामक पाँच तारे होटल बनाउन सुरु गरेको छ । यसको इन्टेरियर डिजाइनका लागि उसले भारतको खन्न तथा सवन्त इन्टेरियरसंग सम्झौता गरेको छ । एभरेष्ट हस्पिटालिटिका अनुसार होटलमा विश्वस्तरका २ सय कोठाहरु हुनेछन् ।
त्यसैगरी होटलमा २४ घण्टै रेष्टुरण्ट खुला रहनेछभने कार्यक्रमहरु गर्नका लागि ठूलो हल, पुल, व्यायमशाला तथा स्पा सुविधा पनि रहने छ । प्रबन्ध निर्देशक गौरव अग्रवलका अनुसार अघिल्लो महिना ठमेलमा खोलेको फयरफिल्ड होटललाई आएको राम्रो प्रतिक्रियाले अर्को सुविधासम्पन्न होटल खोल्नका लागि उत्साही बनाएको हो । उनले मरियट काठमाडौंले नेपाली ब्राण्डलाई विश्वस्तरमा चिनाउने र गुणस्तरिय पर्यटकहरुलाई नेपाल भित्र्याउने अपेक्षा लिएको पनि बताएका छन् ।
