नेपाल राष्ट्र बैंकले दशैँका लागि यस वर्ष नयाँ नोट नछाप्दा राज्यलाई डेढ अर्ब रुपैयाँ बचत भएको छ ।
गएको वर्ष राष्ट्र बैङ्क काठमाडौं उपत्यकामा मात्र साँढे १४ अर्ब तथा देशभर २९ अर्ब नयाँ नोट सटही गरेको थियो । यस वर्ष चार अर्बमा सिमित भएको बैंकले जनाएको छ । बैकका अनुसार यो वर्ष २५ अर्बले कम आएको जनाएको छ । राष्ट्र बैंक मुद्रा व्यवस्थापन विभागका निर्देशक बासुदेव भट्टराईले यस वर्ष राष्ट्र बैंक मातहतका कार्यालयबाट दुई अर्ब र अन्य बैंकबाट नोट सटही भएको अनुमान गरिएको बताउनु भएको छ । नयाँ नोट मुद्रण नहुँदा त्यसका लागि हुने खर्च जोगिएको छ भने सटहीका लागि थप जनशक्ति व्यवस्थापनको झन्झट व्यहोर्न नपरेको पनि उहाँको भनाई छ । अघिल्लो वर्ष नयाँ नोट मुद्रणका लागि डेढ अर्ब रुपैयाँ खर्च लागेको थियो । यस वर्ष बैंकले नयाँ नोट मुद्रण नगरी अहिले चलनचल्ती रहेका सफा र सुकिला नोटको प्रयोगलाई जोड दिएको छ । बैंकको नीतिअनुरुप यस वर्षको मुख्य चाडपर्वमा चलनचल्तीकै सुकिला नोट प्रयोग हुने भएका छन् ।।
