दक्षिण एशिया क्षेत्रीय वित्तीय समावेशिता पहलको नेतृत्वमा नेपाल राष्ट्र बैंकका गभर्नर महाप्रसाद अधिकारी अध्यक्षमा चयन हुनुभएको छ ।
नेतृत्व हस्तान्तरणसँगै बैंकका तर्पmबाट गभर्नर अधिकारी सार्फीको अध्यक्ष चयन हुनुभएको हो । मध्य अमेरिकी मलुक एल्साल्भाडोरको राजधानी सान्साल्भाडोरमा सोमबारदेखि जारी एलाइन्स फर फाइनान्सियल इन्क्लुजन ग्लोबल पोलिसि फोरमको बैठक चलिरहेको छ । सो बैठकअन्तर्गत बुधबार आयोजित पाँचौं सार्फी लिडरसिप राउण्डटेलका क्रममा सार्फीको अध्यक्षता नेपाल राष्ट्र बैंकमा हस्तान्तण गरिएको छ । सो अवसरमा गभर्नर अधिकारी भर्चुअल माध्यमबाट सहभागी भई बैठकको अध्यक्षता ग्रहण गर्नुभएको थियो । बैठकले स्टेट बैंक अफ पाकिस्तानलाई सार्फीको उपाध्यक्ष चयन गरेको छ । यसअघि सार्फीको नेतृत्व माल्दिभ्स मनिटरी अथोरिटीमा थियो भने राष्ट्र बैंकका तर्पmबाट गभर्नर अधिकारी उक्त सञ्जालको उपाध्यक्ष हुनुहून्थ्यो । सन् २०२२ सेप्टेम्बरमा जोर्डनको डेड सीमा सम्पन्न ग्लोबल पोलिसि फोरमको बाह्रौं बैठकका क्रममा सार्फी स्थापना भएको थियो । नेपाल राष्ट्र बैंकसहित बङ्गलादेश, भुटान, माल्दीभ्स, पाकिस्तान र श्रीलङ्काका केन्द्रीय बैंकहरू उक्त सञ्जालमा आबद्ध छन् ।।
