काठमाडौँ /
नेपाली कांग्रेसका प्रवक्ता डा प्रकाशशरण महतले सुन तस्करी प्रकरणमा दोषी देखिए जस्तोसुकै पदमा पुगेका व्यक्तिलाई पनि कारवाही गर्नुपर्ने बताउनुभएको छ ।
आज संसद भवन परिसरमा सञ्चारकर्मीसंग कुरा गर्दै महतले सार्वजनिक पद धारण गरेका व्यक्तिहरुमाथि अनुसन्धान गर्दा दोषी देखिए कारवाही गर्नुपर्ने बताउनुभएको हो । सुन तस्करी प्रकरणमा अनुसन्धान गरिरहेको अवस्थामा अहिले नै अनुसन्धान गर्ने निकायलाई अविश्वास गर्न नमिल्ने उहाको भनाइ छ । सुशासन र भ्रष्टाचारमुक्त समाजको पक्षमा आफुहरु रहेको भन्दै उच्च मर्यादामा पुगेका व्यक्तिहरुले त्यसलाई पालना गर्नुपर्ने उहाको भनाइ छ ।
त्यस्तै महतल,े कांग्रेसले कसैलाई प्रधानमन्त्रीको अफर नगरेको र अफर गरेको भन्नेलाई प्रमाण देखाउन चूनौति दिनुभयो ।
उहाले सरकारका मन्त्रीका रुपमा रहेका व्यक्तिहरु उपर लागेका आरोपहरुको अनुसन्धान गर्दा प्रभावित हुने बिषयलाई कांग्रेसले संसदमा उठाएको भन्दै यसलाई स्वभाविक रुपमा लिनुपर्ने धारणा राख्नुभयो ।।
