दोलखा /
कालिञ्चोक क्षेत्रमा हिमपात भएको छ।
लगातार ३ घण्टा हिमपात भएपछि कालिञ्चोक क्षेत्र छपक्कै भएको छ। बुधबार राति ८ बजेबाट १० बजेसम्म लगातार हिमपात भएको कुरीका होटल व्यवसायी रभी शिवालले बताए। उनका अनुसार रातभरीको हिमपातपछि बिहीबार कालिन्चोक टापु तथा कुरीको वातावरण, डाँडाहरू र बस्ती हिउँले पुरै सेताम्मे देखिएको छ।
हिमपातपछि बिहीबार बिहानैदेखि कालिञ्चोक पुग्ने पर्यटकको चाप बढेको कुरीका स्थानीयले बताए। शुक्रबार र शनिबार त्यसै पनि कालिन्चोक पुग्ने पर्यटक अत्यधिक हुनेमा हिमपातपछि यो संख्या धेरै बढ्न सक्ने होटेल व्यवसायी बताउँछन्।
