एफबीआई/
पूर्व अमेरिकी राष्ट्रपति डोनाल्ड ट्रम्पमाथि अमेरिकाको फ्लोरिडामा हत्याको प्रयास भएको अन्तराष्ट्रिय सञ्चारमाध्यामले जनाएको छ ।
फ्लोरिडाको एक गल्फ कोर्समा रहेका बेला पुर्वराष्ट्रपति ट्रम्पमाथी हत्या प्रयास भएको एफबीआईले जनाएको छ । एफबीआईका अनुसार झाडीबाट राइफलको नाल छिराएर २ सय ७५ देखि ४ सय ५५ मीटर टाढा रहेका ट्रपमाथि गोली प्रहार भएको जनाइएको छ । घटनास्थलमा एके ४७–शैलीको हतियार र स्कोप, दुईवटा ब्याकप्याक, र एक गोप्रो क्यामेरा फेला परेको बीबीसीले जनाएको छ । घटनामा संलग्न भएको आरोपमा एक जनालाई पक्राउ गरेको अमेरिकी अधिकारीहरूले पुष्टि गरेका छन् । राइफलसहित झाडीबाट निस्केर गाडी चढी भाग्न खोज्ने क्रममा उनलाई केही पर पुगेपछि गोली हानेर पक्राउ गरिएको जनाइएको छ । यस घटनाको अनुसन्धान जारी राखेको बताएको छ । ह्वाइट हाउसले राष्ट्रपति जो बाइडेन र उपराष्ट्रपति कमला ह्यारिसलाई घटनाको बारेमा जानकारी दिएको जनाइएको छ ।।
