युगाण्डामा जारी वुमन्स डे कप टी–२० अन्र्तराष्ट्रिय क्रिकेट सृखंलामा नेपालको पुनः हार भएको छ ।
हिजो भएको सो खेलमा नेपाल घरेलु राष्ट्र युगाण्डासँग ४० रनले पराजित भएको हो । ९२ रनको लक्ष्य पछ्याएको नेपाल १७ ओभर एक बलमा ५१ रनमा अल आउट भएको थियो । नेपालका लागि कविता जोशीले १२ तथा कप्तान इन्दु बर्माले ११ रन लिएका थिए । त्यसअघि टस जितेर पहिले ब्याटिङ गरेको युगाण्डाले निर्धारित ओभरमा ५ विकेट गुमाएर ९१ रन बनाएको थियो । भने युगाण्डाका लागि रिता मुसामालीले सर्वाधिक ३८ तथा स्थर लियोक्वले २२ रन बनाएका थिए । नेपालका रिया शर्माले २ तथा रुविना क्षेत्री, पूजा महतो र इश्वरी बिष्टले समान १ विकेट लिएका थिए । यसअघिको खेलमा नेपालले युगाण्डालाई १ विकेटले पराजित गरेको थियो । प्रतियोगितामा आज नेपाल र हङकङबीच खेल हुने कार्य तालिका रहेको छ ।।
