काठमाडौं/
तराई–मधेशकेन्द्रित सात राजनीतिक दलहरूले ‘संघीय लोकतान्त्रिक मोर्चा’ गठन गरेका छन् ।
काठमाडौंमा एक कार्यक्रमको आयोजना गर्दै सो मोर्चा सार्वजनिक गरिएको हो । सो मोर्चामा जसपा नेपाल, लोसपा नेपाल, नागरिक उन्मुक्ति पार्टी, राष्ट्रिय मुक्ति पार्टी, जनता प्रगतिशील पार्टी, जनमत पार्टी र तमलोपाले संघीय लोकतान्त्रिक मोर्चाको घोषणा गरेको बताइएको छ । मोर्चा घोषणा कार्यक्रममा जसपा नेपालका अध्यक्ष उपेन्द्र यादवले संघीय लोकतान्त्रिक गणतन्त्रलाई रक्षा गर्दै सुशासनका प्रत्याभूति गराउने उदेश्यका साथ मोर्चाको गठन भएको बताउनुभयो । उहाले सुशासन, भ्रष्टाचार नियन्त्रण लगाएतमा वर्तमान सरका पूर्वरुपमा कमजोर देखिएको भन्दै लुटतन्त्र र विचौलिया हावी भएको आरोप लगाउनुभएको छ ।
सोही कार्यक्रममा राष्ट्रिय मुक्ति पार्टीका अध्यक्ष राजेन्द्र महतोले देशमा भएका धेरै आन्दोलन र संघर्षहरु अधुरो रहेको भन्दै यसलाई पुरा गर्न मोर्चा गठन गरिएको बताउनुभएको छ । उहाले ठुला दलहरूले राज्य सञ्चालन गर्न नसकेको र व्यवस्थामाथि जनताको निराशा उत्पन्न भएको आरोप लगाउनुभयो ।
