काठमाडौं/
राष्ट्रपति रामचन्द्र पौडेलद्वारा संघीय संसद् अन्र्तगत दुवै सदनको हिउँदे अधिवेशन मंगलबार राती १२ बजेदेखि अन्त्य गर्नुभएको छ ।
नेपालको संविधानको धारा ९३ को उपधारा २ बमोजिम मन्त्रिपरिषद्को सिफारिसमा संघीय संसद्को दुवै सदनको चालू अधिवेशन चैत १९ गते राति १२ बजेदेखि अन्त्य भएको घोषणा गर्नुभएको हो । यसअघि सोमबार राती बसेको मन्त्रिपरिषद् बैठकले संसदको चालू अधिवेशन अन्त्य गर्न राष्ट्रपतिसमक्ष सिफारिस गर्ने निर्णय गरेको थियो । मंगलबार बसेको प्रतिनिधि सभाको बैठकमा सभामुख देवराज घिमिरेले संसद्को हिउँदे अधिवेशन अन्त्य सम्बन्धी राष्ट्रपति कार्यालयको पत्र पढेर सुनाउनुभएको थियो ।।
