राष्ट्रिय प्रजातन्त्र पार्टी अध्यक्ष राजेन्द्र लिङदेनले राजा हटाएर देशमा लोकतन्त्रको नाममा लुटतन्त्र मच्चाएको आरोप लगाउनु भएको छ ।
सोमबार बसेको प्रतिनिधि सभाको बिशेष समयमा बोल्ने क्रममा उहाँले सो आरोप लगाउनु भएको हो । उहाँले गणतन्त्रमा पुगेपछि मुलुक कस्तो अवस्थामा छ भन्ने जनताले राम्रोसंग हेरेको भन्दै राजा हटाएर देशमा लोकतन्त्रको नाममा लुटतन्त्र मच्चाएको आरोप लगाउनु भएको छ । उहाँले व्यवहारमा सुधार नगरेसम्म गणतन्त्रको विरोध मात्रै नभई जनताले व्यवस्था उल्टाउने तर्क समेत गर्नुभएको छ । उहाँले १५ गतेको घटनालाई राज्यले नियन्त्रणमा लिन नसकेको र उल्टै नागरिकमाथि सरकारले दमन गरेको आरोप समेत लगाउनु भएको छ ।
सोही बैठकमा राप्रपाका सचेतक ज्ञानबहादुर शाहीले पूर्वराजा ज्ञानेन्द्र शाहका बिषयमा प्रधानमन्त्रीले दिएको अभिव्यक्ति सदनको रेकर्डबाट हटाउन माग गर्नुभएको छ ।।
