प्रधानमन्त्री केपी शर्मा ओलीले आफ्नो चीन भमणमा ऋण सम्बन्धि कुनै पनि सम्झौता नगर्ने बताउनु भएको छ ।
मंसिर १७ गतेदेखि हुने चीनको औपचारिक भ्रमणबारे सोमबार सिंहदरबारमा पूर्वप्रधानमन्त्री, पूर्वपरराष्ट्र मन्त्रीहरुसँगको सामूहिक छलफलमा उहाँले कुरा बताउनु भएको हो । छलफलमा प्रधानमन्त्री ओलीले चीनसँग सम्बन्धलाई अझै प्रगाढ बनाउने विषयमा आफनो भ्रमण केन्द्रित हुने समेत बताउनु भएको छ । छलफलमा नेपाल र चीनबीच भएका पुराना सम्झौता तथा समझदारीहरुलाई कार्यन्वयन गर्ने विषयमा पनि छलफल भएको उहाँले बताउनु भएको छ । विशेष गरेर किमाथान्का प्रोजेक्ट र ट्रान्समिसन लाइन निर्माणको सम्भावनाको बारे प्रधानमन्त्रीले छलफलका क्रममा राख्ने उहाँले बताउनु भएको छ । नेपाली काँग्रेसका सभापति एवं पूर्वप्रधानमन्त्री शेरबहादुर देउवाले प्रधानमन्त्री ओलीको आसन्न चीन भ्रमणमा सरकारले ऋण लिन नहुने बताउनु भएको छ । उहाँले ऋण लिनेभन्दा पनि अनुदान लिनु पर्नेमा जोड दिनुभएको छ ।
