दक्षिणी र पूर्वी लेबनानका धेरै शहर र गाउँहरूमा इजरायली हवाई आक्रमणमा २० व्यक्तिको मृत्यु भएको छ भने ५० जना घाइते भएका छन् ।
लेबनानी सैन्यका अनुसार इजरायली लडाकु विमानहरूले दक्षिणी लेबनानको १६ गाउँ र शहरहरूमा १९ पटक हवाई आक्रमण गरेको जनाएको छ । पूर्वी लेबनानको चार गाउँ र शहरहरूमा पाँचवटा आक्रमण गरेका छन् । यसैबीच हिजबुल्लाहले एक विज्ञप्तिमा आफ्ना सदस्यहरूले इजरायलको हाइफा नौसेना आधारमा ड्रोन आक्रमण गरेको बताएको छ । यसले दक्षिणी लेबनानमा इजरायली सेनालाई मिसाइल ब्यारेजहरू पनि निशाना बनाएको थियो । सेप्टेम्बर २३ देखि इजरायली सेनाले लेबनानमा हिजबुल्लाहसँगको द्वन्द्व बढ्दै गएपछि हवाई आक्रमणलाई तिब्र पारेको छ । इजरायलले अक्टोबरको शुरुमा लेबनानमा आफ्नो उत्तरी सीमाना पार गर्दै भूमिगत कारबाही शुरु गरिरहेको अन्तराष्ट्रिय सञ्चार माध्याम सिन्ह्वाले जनाएको छ ।।
