अफ्रिकी मुलुक कंगोमा डुंगा दुर्घटना हुदा २५ जनाको मृत्यु भएको छ भने कयैन बेपत्ता भएको अन्तराष्ट्रिय सञ्चारमाध्यकले जनाएका छन् ।
अन्तराष्ट्रिय सञ्चारमाध्यकका अनुसार मध्य कंगोबाट किंशासा हुदैे उत्तर–पूर्वमा रहेको इनोंगो शहरमा डुंगा नदीमा पल्टिदा भएको सो दुर्घटना भएको जनाएको छ । दुर्घटनाबाट बालबालिकासहित २५ जनाको मृत्यु हुनाका साथै दजनौ बेपत्ता भएको अन्तराष्ट्रिय संचारमाध्यमहरुले जनाएका छन् । अधिकारीहरुका अनुसार डुंगामा १ सयभन्दा बढी यात्रुहरु रहेका थिए । २५ जनाको शव भेटिसकिएको छ भने अरु हराएकाहरुको खोजी जारी रहेकाले मृतकको संख्या अझै बढ्ने प्रहरीले जनाएको छ । बढी भारका कारण दुर्घटना भएको अधिकारीहरुको अनुमान छ । यस वर्ष मात्रै माइ इन्डोम्बे प्रान्तमा यो चौथो पटक डुंगा दुर्घटना भएको बताइएको छ ।।
