शुक्रबार सुनको भाउ तोलामा १५ सय रुपैयाँ बढेको छ ।
नेपाल सुनचाँदी व्यवसायी महासंघका अनुसार अघिल्लो दिन प्रतितोला १ लाख ५५ हजार ६ सय रुपैयाँ रहेको सुन आज १ लाख ५७ हजार १ सय रुपैयाँ कायम भएको हो । यसअघि भदौ अन्तिम दिन १ लाख ५७ हजार ३ सय रुपैयाँको उच्च मूल्य रेकर्ड बनेको थियो । आज सुनसंगै चाँदीको मूल्य पनि बढेको छ । अघिल्लो दिन प्रतितोला १ हजार ८ सय ८० रुपैयाँ रहेको चाँदी यस दिन ३५ रुपैयाँ बढेर तोलाको १ हजार ९ सय १५ रुपैयाँ पुगेको महासंघले जनाएको छ ।।
